作者：王建运

沪语改写：冯济民

讲述：张黎明

文字修正及推荐：丁迪蒙

编辑：王乙其

记得两年前头个“世界杯”，法国足球队获得冠军之后，立刻勒法国上下万人空巷、引发了狂欢浪潮。与此同时，位于太平洋东部、距法国近余公里个上海街头也邪气爱闹猛，特别是勒各类酒吧、会所、娱乐场所乃至公共交通车厢里谈论足球个人是比比皆是呀。平常看起来文质彬彬个上海人，各个年龄段个足球迷却是大有人在，聊起足球竟然也疯狂得勿得了。

其实，上海迭座城市搭现代中国足球是有勿解之缘个。据历史记载：19世纪约60年代，外国侨民首先拿现代足球运动带到了上海,。同治六年(年),上海租界里出现了足球会组织，但当时还呒没形成正规化个球赛。到19世纪末，西方侨民足球队越来越多，竞赛也随之增多，规则呢，也逐步完善了。到光绪二十八年(年)，西方侨民成立了上海足球联合会，组织了长达半个世纪个系列足球赛。

光绪二十一年（年），上海圣约翰书院首开华人足球活动历史，成立了第一支国人足球队，由外籍教师兼任教练。年，南洋公学(交通大学)也成立足球队，于是，就搭圣约翰书院约定，每年举行主客场两次比赛。两校之间个足球比赛，成为了当年上海滩一大盛事。当年有申报报道：每逢比赛观众碰勿碰有得成千上万，学堂邻近，倾巷以赴啊……

圣约翰书院足球队

伊个盛况勿比浴佛节个静安寺庙会推板。

民国14年（年），拨称做“亚洲球王”个李惠堂，由香港来上海参加了乐群队。第二年，李惠堂搭广东俱乐部部分球员组成乐华足球队，使上海足球水平一改只能踢高球搭远球个习惯，明显上升了一个台阶。乐华队勿仅参加华人个联赛，也参加西方侨民组织个各类比赛。有记载称：首战即以4:1胜外侨强队腊克斯队。勒到年个赛季，还取得了西联会甲组联赛搭高级杯赛冠军。当时上海足坛出现个著名球星有李惠堂、陈镇和、孙锦顺、周贤言、戴麟经、贾幼良等人。

上海乐华足球队

民国19年（年），李惠堂回香港之后乐华队解散，挨下来由东华队代表上海个最高水平。年，东华队首次取得了全国西联会“史考托”杯赛搭甲组联赛冠军。当年上海参加第五、六届全国运动会个足球队，主力队员侪是东华队个成员。

抗战胜利之后，社会一度相对安定，上海个足球运动再次蓬勃兴起，各企业团体及商办组织个足球队竟然达到63支，迭个也可以讲是开了“职业化足球运动先河”了。改革开放之后，中国足球运动恢复走职业化道路个传统，其中有名个有上海申化、上港搭申鑫，广州恒大、北京国安、广州富力、山东鲁能、天津泰达、江苏舜天、辽宁宏远等，迭些侪是后话了。

上海东华足球队成立

当年勒申城踢球个洋人球队多达8支。国内堪称劲旅个足球队差勿多侪集中勒上海，像东华足球队拥有甲、乙两个队。另外，铁路、青白、优联三支足球队也各拥有甲、乙队。外籍洋人当中个苏联白鹰足球队，同样也各有甲、乙两队。

除脱东华足球队强旅外，以后出现个联谊、青白等队也具有相当个实力，所以当时组成“上海市足球代表队”参加全国比赛，侪从迭几支强队当中选拔队员组成。当年上海足坛著名球星有贾幼良、张邦纶、李垚、高保正、何家统等人。

每个时代个体育运动流行语言，侪会带有明显个感情色彩，尤其是足球运动因市民参与性广，伊个语言色彩特点更加明显，阿拉勿妨列举当年球迷“足球语言”看看：上海人叫踢足球，广东人叫“踢波”。因沪港埠际赛经常举行，上海广东籍人士蛮多，著名球星当中广东、香港人勿少，所以，勒申城一度称球迷为“波迷”、“波友”，勒一道谈论足球叫讲“波经”。当年东华队搭青白队是申城个两支劲旅，称“海上双雄”、后卫漏球称“漏油”、罚下场称“坐波太监”、一人独闯对门称“起大菜”、球踢出门外叫“放鸽子”、角球叫“考末”、自家一方空虚称“空城计”、叽讽某人好球呒没踢进门，称“今朝呒没穿射门鞋”……。

中外球星历来多绰号。当年上海滩浪足球明星多雄并称，竞赛争斗激烈，名将球王辈出，所以近70支足球队当中有名个球星，差勿多人人侪有绰号。报纸浪一出现伊个绰号，当年个球迷侪耳熟能详个，马上晓得是指啥人。比方“油炸蟹”邓广森、“大种狗”霍耀华、“拼命三郎”张金海、“猴子”榕生、“坦克车”黄美顺、“矮脚虎”刘始赞、“小三子”曹秋亭、“怪脚”李德祺、“龙驹”宋灵圣”……。

当然咾，名气最响个首推李惠堂，伊个雅号也名副其实，称之为“一代球王”。综上所述，当年上海个足球运动也疯狂！

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年出版社

《实用沪语》复旦大学出版社

《上海话绕口令》少儿出版社

《上海方言词语使用手册》上海教育出版社

《上海话读成语故事》少儿出版社

《囡囡学童谣》，少儿出版社

《囡囡学成语》，少儿出版社。